दौंड : आपल्या आवाजाने तमाम भारतीयांना मंत्रमुग्ध करणारे महान गायक स्वर्गीय मोहम्मद रफी यांच्या जयंती निमित्ताने येथील रफी फॅन्स क्लब च्या वतीने रफींच्या गाण्यांचा कार्यक्रम आयोजित करण्यात आला. स्थानिक गायक कलाकारांनी रफींची अजरामर गाणी गात जयंती साजरी केली. प्रसिद्ध व्यापारी सुदर्शन शहा यांच्या हस्ते रफींच्या प्रतिमेस पुष्पहार अर्पण करून संगीत रजनीला सुरुवात करण्यात आली. यावेळी मोहम्मद रफी यांचे चाहते ज्येष्ठ नगरसेवक बादशहा शेख, इंद्रजीत जगदाळे, नागसेन धेंडे, भारत सरोदे, राजू फराटे, राजू भालसेन, गौरव चकाने उपस्थित होते. फॅन्स क्लब च्यावतीने गेली 40 वर्ष मोहम्मद रफी यांच्या आठवणींना उजाळा दिला जात आहे. संजय कोरे यांनी यावेळी गायिलेल्या गाण्यांनी दौंडकर मंत्रमुग्ध झाले, कोरे यांना अनुराग सिंग यांनी उत्तम साथ दिली. सूत्रसंचालन प्रवीण इंगळे यांनी केले. सतीश सोनोने, बाळू पाठक, राहुल शेटे, बाळू बुचके, विशाल पवार यांनी आयोजन केले.
