बारामती : वाढदिवस हा प्रत्येकाच्या जीवनातील एक उत्साहाचा, मित्रांच्या शुभेच्छा आणि थोरा मोठ्यांचा आशीर्वाद घेण्याचा दिवस असतो. मात्र काहीजण आपल्या वाढदिवसाला काहीतरी वेगळे करायचे या नादात भलतेच काहीतरी करून बसतात अण मग त्यांच्या नशीबी पाश्चातापाच्या शिवाय काहीच उरत नाही.
बारामती तालुक्यातील 19 वर्षीय सुमित गायकवाड (रा.तांदुळवाडी कल्याणीनगर, बारामती) या युवकालाही असाच अनुभव आला आहे. त्याने दि.15 डिसेंबर रोजी 1 वाजता वाढदिवसासाठी आणलेला केक कापण्यासाठी धारदार लोखंडी कोयत्याचा वापर केला! आणि याची माहिती बारामती पोलिसांना मिळताच त्यांनी त्याचे घर गाठले. त्यास या संदर्भात विचारपुस केली असता त्याने त्याच्या राहत्या घरात जावुन घरातील कपाटातुन एका लाल रंगाचे कापडात गुंडाळलेला धारदार लोखंडी कोयता काढुन
दिला.
त्यामुळे पोलिसांनी हे हत्यार आणि आरोपी युवकाला ताब्यात घेऊन त्या विरोधात बारामती ता.पोलीस स्टेशनचे पोलीस शिपाई विनोद लोखंडे यांच्या फिर्यादवरून या युवकावर भारतीय हत्यार प्रतिबंध कायदा (आर्म ऍक्ट) नुसार गुन्हा दाखल करण्यात आला आहे.
