दौंड : बहुजन वंचित आघाडीचे सर्वेसर्वा प्रकाश आंबेडकर यांच्या आदेशाने आघाडीच्या वतीने, मुस्लिम समाजाच्या संवैधानिक हक्क अधिकारांसाठी दौंड मध्ये एक दिवसीय धरणे आंदोलन करण्यात आले. न्यायालयाने दिलेल्या 5 टक्के आरक्षणाची तत्काळ अंमलबजावणी करण्यात यावी, वंचित बहुजन आघाडीने दिलेले मोहम्मद पैगंबर बिल पास करावे तसेच वंचित च्या विविध मागण्यांसाठी आंदोलन करण्यात आल्याचे वंचित चे तालुका अध्यक्ष अश्विन वाघमारे यांनी सांगितले. मुस्लिम समाज,भिमक्रांती सेनेच्या वतीने आंदोलनास पाठिंबा देण्यात आला.
मुस्लिम समाज वक्फ बोर्डाच्या जमिनी ज्यावर अनधिकृत कब्जा करण्यात आला आहे, हा कब्जा उठवुन या जमिनीचा उपयोग मुस्लिम समाजाच्या उन्नतीसाठी करावा, समाजाच्या उन्नतीसाठी अनेक वेळा आयोग नेमण्यात आले आहेत, परंतु आज पर्यंत आयोगाने जो जो अहवाल सादर केला त्याकडे शासनाने प्रत्येक वेळी जाणीवपूर्वक दुर्लक्ष करून मुस्लिम समाजाशी दुजाभाव केला आहे असे अश्विन वाघमारे यावेळी म्हणाले.
वंचित बहुजन आघाडीचे अजिंक्य गायकवाड, एड.किरणलोंढे,अक्षय शिखरे,राहुल नायडू,बबलू जगताप,राजेश ओव्हाळ,प्रवीण भालेराव तसेच भिमक्रांती सेनेचे बंटी वाघमारे रितेश सोनवणे आदी पदाधिकारी यावेळी उपस्थित होते.
