दौंड : सहकारनामा ऑनलाईन
दौंड तालुक्यातील केडगाव येथे 12वीत शिकत असलेल्या विद्यार्थिनीने गळफास लावून आत्महत्या केली. ही विद्यार्थिनी केडगाव स्टेशनमध्ये असलेल्या विष्णुप्रिया सोसायटीत आई, वडीलांसह राहत होती. ऋतुजा पवार असे या मुलीचे नाव असून ती मिशन स्कुलमध्ये शिकत असल्याचे सहाय्यक पोलीस निरीक्षक कापरे यांनी सांगितले. दि.१८ एप्रिल रोजी रात्री ऋतुजा आणि तिचे आई, वडील जेवण करून झोपी गेले. पहाटे उठल्यानंतर तिच्या आई, वडिलांना ऋतुजाने तिच्या बेडरूममध्ये स्वतःच्या ओढणीने स्लॅबच्या हुकला बांधून गळफास घेऊन आत्महत्या केली असल्याचे निदर्शनास आले. यावेळी त्यांनी शेजाऱ्यांना आणि पोलिसांना याबाबतची माहिती दिली. ऋतुजाने नेमक्या कोणत्या कारणामुळे आत्महत्या केली हे अजून समजले नसून त्याबाबतचा अधिक तपास सहाय्यक पोलीस निरीक्षक धनंजय कापरे करत आहेत.
