दौंड : सहकारनामा ऑनलाईन
दौंड तालुक्यातील दहिटने येथे कोरोनाबाधित रुग्ण सापडल्यानंतर त्याच्या संपर्कात आलेल्या एकूण २२ जणांची कोरोनाटेस्ट घेण्यात आली आहे. या सर्व २२ जणांचे पुण्यातील रुग्णालयात कोरोना टेस्टसाठी लागणारे घशातील द्रव नमुने घेण्यात आले असून त्यांचा रिपोर्ट येणे बाकी असल्याची माहिती दौंडचे वैद्यकीय अधिकारी डॉ.अशोक रासगे यांनी ‛सहकारनामा’ शी बोलताना दिली. दहिटने येथे सापडलेल्या कोरोना बाधित रुग्ण हा वयस्क असून त्यास सर्दी, खोकला, घसादुखीचा त्रास जाणवू लागल्यानंतर पुण्यातील ससून रुग्णालयात उपचारासाठी पाठवण्यात आले होते. यावेळी त्याची कोरोनाटेस्ट घेतल्यानंतर ती पॉझिटिव्ह आल्याने दौंडचाही कोरोनाबाधित तालुक्यात समावेश झाला आहे.
