वृत्तसंस्था : सहकारनामा ऑनलाईन
इराणची राजधानी असलेल्या तेहरानमध्ये असलेल्या वैद्यकीय क्लिनिकमध्ये झालेल्या जोरदार स्फोटात तब्बल 13 जण ठार झाल्याची भीती वर्तविण्यात येत आहे.
याबाबतची माहिती ANI या वृत्तसंस्थेने दिली असून द टाइम्स ऑफ इसराईलनेही याबाबत संपूर्ण वृत्त प्रसिद्ध केले आहे. आलेल्या वृत्तानुसार हे स्फोट तेहरान मध्ये असलेल्या सीना अथर मेडिकल सेंटर मधील ऑक्सिजन टाक्यांमुळे झाल्याची प्राथमिक माहिती मिळत असून आतमध्ये अडकलेल्या लोकांना वाचविण्याचा अग्निशमन दलाचा प्रयत्न सुरू होते. तेहरानच्या स्थानिक वेळेनुसा रात्री 9: 30 वाजता हे स्फोट झाले असल्याची पुष्टी करण्यात येत असून भारतीय वेळेनुसार साधारण रात्री 12:45 ला स्फोट झाले आहेत. या वैद्यकीय क्लिनिकमध्ये झालेल्या स्फोटामुळे इराणची राजधानी धमाक्यांनी हादरली असून इराणच्या सरकारी टेलिव्हिजनने त्यांच्या वेळेनुसार मंगळवारी रात्री उत्तर तेहरानमधील वैद्यकीय क्लिनिकमध्ये मोठे स्फोट झाल्याचे सांगितले असून या नंतर सीना अथर मेडिकल सेंटर येथे आग लागल्याची घटना घडली आणि अग्निशमन दलाच्या जवानांनी ही विझविण्यासाठी मोठी झुंज दिल्याचे सांगितले.
