पुणे : वारस नोंद करण्यासाठी ६ हजारांची मागणी करुन ५५०० रुपये स्विकारताना लाचलूचपत विभागाकडून महिला तलाठी आणि कोतवाल यांना रंगेहात पकडण्यात आले आहे. श्रीमती मनीषा साहेबराव माने (वय 45, ग्राम महसूल अधिकारी तलाठी, निमगाव खंडोबा, ता. खेड राजगुरूनगर) आणि श्री दत्तात्रय छबू चव्हाण (वय – 58, पद कोतवाल, निमगाव खंडोबा, तालुका खेड राजगुरूनगर) अशी या दोन आरोपिंची नावे आहेत.
मिळालेल्या माहितीनुसार तक्रारदार यांचे वडील व इतर नातेवाईक यांची नावे खरपडी बुद्रुक येथे शेतजमीन आहे. तक्रारदार यांच्या वडिलांचे २०२४ साली निधन झाल्यानंतर सदर जमिनीवर वारसनोंद घेण्याकरीता तक्रारदार हे यांन दिनांक निमगाव खंडोबा ग्राम महसूल कार्यालय येथील अधिकारी मनीषा माने पाटील यांना अर्ज दिला होता. वारंवार चौकशी करून देखील तक्रारदार व त्यांचे भाऊ आणि बहिणीची जमिनीला वारसा नोंद केली जात नव्हती. त्यामुळे दिनांक ३०/०३/२०२६ रोजी तक्रारदार हे वारसा नोंदणी बाबत चौकशी करण्याकरिता निमगाव खंडोबा ग्राम महसूल कार्यालय येथे गेले असता श्रीमती माने यांनी चव्हाण यांना तक्रारदारकडून वारसा नोंद करण्यासाठी पैसे घेण्यास सांगितले.
त्यामुळे तक्रारदार दिनांक ०७/०५/२०२६ रोजी चव्हाण यांना भेटले असता त्यांनी तक्रारदार यांच्याकडे श्रीमती माने व स्वतःसाठी ६ हजार रुपयांची लाच मागणी केली. याबाबत तक्रारदार यांनी लाचलूचपत विभागाकडे तक्रार केल्यानंतर वर नमुद आरोपी लोकसेवक यांना लाचेची रक्कम स्विकारताना लाचलुचपत विभागच्या पोलिस निरीक्षक श्रीमती शैलजा शिंदे यांच्या टीमने या आरोपिंना रंगेहात पकडले. त्यांच्याविरुद्ध खेड – राजग्रुनगर पोलीस स्टेशन येथे भ्रष्टाचार प्रतिबंधक कायदा 1988 कलम प्रमाणे गुन्हा दाखल करण्याची प्रक्रिया सरू आहे.
