केडगाव : दौंड तालुक्यातील केडगाव (धुमळीचा मळा) येथील विद्यार्थिनी कृतिका शरद गायकवाड हिने पीएमश्री जवाहर नवोदय विद्यालयाच्या प्रवेश परीक्षेत उल्लेखनीय यश संपादन करत आपली निवड निश्चित केली आहे. तिला ९६.२५ गुण प्राप्त झाले आहेत. तिच्या या यशावर सर्व स्तरांतून कौतुकाचा वर्षाव होत आहे.
कृतिका ही सध्या केडगाव येथील जवाहरलाल विद्यालयात इयत्ता पाचवीत शिक्षण घेत आहे. अभ्यासातील सातत्य, मेहनत आणि जिद्दीच्या जोरावर तिने हे यश मिळवले आहे. तिच्या यशामध्ये सनराईज अकॅडमी केडगाव येथील शिक्षिका कल्पना नवले, बापू नवले, जवाहरलाल विद्यालय प्राचार्य व शिक्षक वर्ग यांचे विशेष सहकार्य लाभले.
