पाटस, दौंड : दौंड तालुक्यातील पाटस येथे प्रतिबंधित असलेला गांजा पेटवून चिलीम फुकत बसलेल्या ५ गंजेडिंवर गुन्हा दाखल करण्यात आला आहे. याबाबत सचिन दत्तात्रय घाडगे (सहा. फौजदार, नेमणुक स्थानिक गुन्हे शाखा पुणे ग्रामीण) यांनी फिर्याद दिली आहे.
घाडगे यांनी दिलेल्या फिर्यादीवरून आरोपी भाऊ बाबु कोळपे (रा. कोळपे वस्ती, पाटस, ता.दौड), दिपेंदर ब्रिजगोपाल बारसने (रा. पाटस, तळ्याचे कडेला, दत्त मंदीरा जवळ, ता. दौंड), गणपत बनसोडे, (रा. आव्हाडनगर, ता. दौड), पप्पु रसुल शेख (रा. डोंगरेश्वर पाटस, ता. दौंड), संतोष ईश्वर गैंगजे (रा.जगदाळे फार्म, अंबिकानगर, पाटस, ता. दौंड) यांच्यावर गुन्हा दाखल करण्यात आला आहे.
मिळालेल्या माहितीनुसार दि. 07/04/2026 रोजी सायंकाळी 6:30 च्या सुमारास पाटस गावच्या हद्दीत असणाऱ्या पाटस पुणे सर्व्हिस रोडवर तळयाचे कडेला दत्त मंदीराचे आवारात हे सर्व आरोपी गांजा ओढत असताना गांजाफुकत असताना आढळून आले. यावेळी त्यांच्याकडे अर्धवट जळलेला अमली पदार्थ, दोन मातीची चिलम, माचिस असा मुद्देमाल मिळून आला आहे. गुन्ह्याचा अधिक तपास यवतचे पोलीस निरीक्षक नारायण देशमुख यांच्या मार्गदर्शनाखाली पोलीस हवालदार जाधव हे करीत आहेत.
