अब्बास शेख
दौंड : राज्यातून महिला, मुली गायब होण्याचे प्रमाण वाढत असताना आता दौंड तालुक्यातूनही एक धक्कादायक घटना उघडकीस आली आहे. दौंड शहर पोलीस स्टेशन हद्दीत असणाऱ्या विविध ठिकानांवरून तीन महिला गायब होण्याची ही घटना घडली आहे.
मिळत असलेल्या माहितीनुसार, पहिली घटना ही सनी नितीन वाणी (वय-33 वर्षे रा.
मिशन हॉस्पीटल जवळ दौंड) यांच्यासोबत घडली असून त्यांची पत्नी अर्पीता सनी वाणी (वय-24) आणि मुलगा ऐरीक सनी वाणी (वय-05 वर्षे दोन्ही रा. यादववस्ती क्रिडासंकुल जवळ दौंड, जि. पुणे) हे बेपत्ता झाले आहेत. सनी वाणी यांनी दिलेल्या फिर्यादीनुसार त्यांची पत्नी मावशीच्या राहत्या घरातून कोणास काही एक न सांगता बेपत्ता झाली आहे ती अद्यापपर्यंत घरी आली नाही.
दुसरी घटना पांडुरंग जर्नादन दळवी (वय-46 वर्षे व्यवसाय शेती रा. मलठण ता. दौंड) यांच्यासोबत घडली असून त्यांची पत्नी पुष्पा पांडुरंग दळवी (वय-35 वर्षे रा. मलठण, ता. दौंड) या बेपत्ता झाल्या आहेत. त्यांनी दिलेल्या फिर्यादीनुसार त्यांची पत्नी पुष्पा पांडुरंग दळवी ही दि.11/03/2026 रोजी सकाळी 11.00 च्या सुमारास मलठण येथील राहते घरातुन बेपत्ता झाली आहे ती अजूनपर्यंत घरी आलेली नाही.
तिसरी घटना ही जयशंकर वसंत व्यवहारे (वय 27 वर्ष धंदा शेती, रा. ढेकळेवाडी (वैरागवाडी), ता. मोहोळ जि. सोलापुर) यांच्यासोबत घडली असून त्यांची पत्नी सौ. वैष्णवी जयशंकर व्यहारे (वय 20 वर्ष धंदा घरकाम रा. ढेकळेवाडी (वैरागवाडी), ता.मोहोळ जि. सोलापुर) या खडकी ता. दौंड जि. पुणे येथील हॉटेल पंचरत्न येथुन बेपत्ता झाल्या आहेत. मी व माझी पत्नी असे पुणे ते सोलापूर जयशंकर व्यवहारे यांनी दिलेल्या फिर्यादीनुसार ते पुणे सोलापूर हायवेने गावाला जात असताना खडकी ता. दौंड येथे गाडी नाष्टा करण्यासाठी थांबले होते. तेथून त्यांची पत्नी अचानक बेपत्ता झाली आहे.
बेपत्ता वैष्णवी हिचे वर्णन पुढील प्रमाणे आहे – मिसिंग नाव पत्ता- सौ. वैष्णवी जयशंकर व्यवहारे (वय 20 वर्ष धंदा-घरकाम रा. ढेकळेवाडी, वैरागवाडी ता. मोहोळ जि. सोलापुर) रंग सावळा, उंची 5 फुट अंगाणी थोडी जाड, असे वर्णन असुन तिचा शोध घेऊन तपास व्हावा अशी विनंती त्यांनी दौंड पोलिसांना केली आहे. वेगवेगळ्या ठिकाणावरून बेपत्ता झालेल्या या तिन्ही महिलांचा दौंड पोलीस शोध घेत आहेत.
