कुरकुंभ : पाटस येथील दुहेरी खुनात आरोपी असलेल्या एका व्यक्तीचा दौंड पोलीस स्टेशनच्या हद्दीत कुरकुंभ गावात पुणे सोलापूर महामार्गावर खून करण्यात आल्याची घटना घडली असून या घटनेने एकच खळबळ माजली आहे.
मिळत असलेल्या माहितीनुसार ज्या व्यक्तीचा खून करण्यात आला ती व्यक्ती यापूर्वी पाटस भागातील दुहेरी खून प्रकरणातील आरोपी असल्याची माहिती मिळत आहे. शुक्रवारी रात्री दहा वाजण्याच्या सुमारास पुणे सोलापूर महामार्गावर खूनाची ही भयानक घटना घडली आहे.
दौंड तालुक्यात चोरी, दरोडे आणि आता खून अश्या या घटनेमुळे पोलीस दलासह संपूर्ण तालुक्यात एकच खळबळ माजली आहे. खूनाची घटना कळताच दौंड पोलीस घटनास्थळी हजर झाले असून पुढील तपास सुरु आहे.
