पुणे : अजितदादांच्या अपघाती निधनानंतर पुणे जिल्ह्यामधील बारामती विधानसभा मतदारसंघाची रिक्त झालेली जागा भरण्यासाठी लवकरच विधानसभेची पोट निवडणूक होणार असल्याचे चित्र आता स्पष्ट होऊ लागले आहे.
याच अनुषंगाने भारत निवडणूक आयोगाच्या वतीने सदर विधानसभा मतदार संघाकरता दिनांक ०१ जानेवारी २०२६ या अर्हता दिनांकावर आधारित मतदारयाद्यांच्या विशेष संक्षिप्त पुनरिक्षण कार्यक्रमाची घोषणा करण्यात आली असून या कार्यक्रमाचे सविस्तर वेळापत्रकही जाहीर करण्यात आले आहे.
या पोटनिवडणुकीसाठी नेमकं कोण उभे राहणार हे मात्र अजून गुलदस्त्यामध्ये असून अजितदादांच्या पत्नी आणि राज्याच्या उपमुख्यमंत्री सुनेत्रा पवार तसेच त्यांचे पुत्र पार्थ पवार यांचे नाव या ठिकाणी आघाडीवर आहे. शक्यतो सुनेत्रा पवार यांनाच या ठिकाणी उमेदवारी मिळेल असे बोलले जात असून अजितदादांच्या निधनानंतर त्यांची रिक्त झालेली जागा लवकरच भरण्याच्या हालचालिंना वेग आला आहे.
