दौंड : क्रांतिज्योत सावित्रीबाई फुले यांची जयंती व बालिका दिन या निमित्त आलेगाव, कदम वस्ती येथील जि.प शाळा, अंगणवाडी व आलेश्वर माध्यमिक विद्यालय यांच्या वतीने विद्यार्थ्यांसाठी कायदेविषयक व्याख्यानमालेचे आयोजन करण्यात आले होते.
याप्रसंगी दौंड बार असोसिएशनचे माजी अध्यक्ष ॲड. प्रशांत गिरमकर, ॲड. दीप्ती जगदाळे व ॲड. निशा जाधव यांनी विद्यार्थ्यांना सावित्रीबाई फुले यांचे कार्य व महिला कायदे या विषयावर व्याख्यानातून मार्गदर्शन केले.
यावेळी हेमंत कदम, अशोक कदम, नवनाथ कदम, प्रशांत कदम तसेच शिपलकर सर, वाघमारे सर, भोसले सर, खोमणे इत्यादी उपस्थित होते.
