बार्शीच्या गुळपोळी येथे 86 टक्के मतदान

बार्शी : सहकारनामा (हनुमंत चिकणे)

राज्यात सध्या ग्रामपंचायत निवडणुकांचा मोसम असून ग्रामिण भाग या निवडणुकांनी फुलून निघाला आहे. 

बार्शी तालुक्यातील गुळपोळी येथेही शुक्रवारी झालेल्या ग्रामपंचायत निवडणुकीमध्ये सुमारे 86 टक्के मतदान झाले असून शांततेत पार पडले आहे.

या निवडणुकीत एकूण 1646

मतदारांनी आपला मतदानाचा बजावला असल्याची माहिती केंद्रप्रमुख आण्णासाहेब गोवे यांनी दिली आहे. 

गुळपोळी येथील जिल्हा परिषद प्राथमिक शाळा  या ठिकाणी मतदान केंद्राची सोय करण्यात आली होती. त्यामुळे आपआपल्या प्रभागातील उमेदवारांनी व त्यांच्या कार्यकर्त्यांनी मतदाराला मतदार नंबर व नावे शोधण्यासाठी मदत केली. ओळ्खपत्राच्या साहाय्याने मतदान क्रमांक त्वरित मिळवून देण्यात येत होते. तीन प्रभागामध्ये एकूण तीन मतदान यंत्रे उपलब्ध होती. मतदानासाठी नागरिकांनी सकाळपासूनच गर्दी केली होती. 

दरम्यान, बार्शी तालुका पोलीस ठाण्याचे सहाय्यक पोलीस निरीक्षक शिवाजी जायपात्रे यांच्या मार्गदर्शनाखाली गावामध्ये पोलीस बंदोबस्त ठेवण्यात आला होता.