यवत, पारगावमध्ये कोरोनाचे रुग्ण वाढले, केडगाव, भांडगाव, बोरी भडकसह या 7’ गावांत आज ‛22‛ कोरोना पॉझिटिव्ह रुग्ण

दौंड : सहकारनामा ऑनलाईन (अब्बास शेख)

दौंड तालुक्यातील कोरोनाची साडेसाती कमी होण्याचे नाव घेईना, यामध्ये दिवसेंदिवस वाढ होत असताना या महामारीने आता नेते, कर्मचारी यांसह अधिकाऱ्यांनाही सोडले नाहीये.

आज यवत ग्रामीण रुग्णालयाचे वैद्यकीय अधिक्षक डॉ.इरवाडकर यांच्याकडून आलेल्या माहितीनुसार यवत 6, पारगाव 6, बोरीभडक 4, डाळिंब 3, केडगाव 1, भांडगाव 1, देउळगाव गाडा 1, असे या 7’ गावांत ‛22‛ कोरोना पॉझिटिव्ह रुग्ण आढळून आले आहेत.

या रुग्णांचे वयोमान हे 19 वर्षांपासून ते 72 वर्षांपर्यंत असून यात 16 पुरुष आणि 6 महिलांचा समावेश आहे. नागरिकांनी योग्य ती खबरदारी घेऊन आपले कोरोना पासून संरक्षण करावे असे आवाहन प्रशासकीय यंत्रणेकडून करण्यात येत आहे.