केडगाव, पाटस, मळदसह दौंड ग्रामिण मध्ये तब्बल 44 कोरोना बाधित!

दौंड : सहकारनामा

दौंड तालुक्यातील विविध गावांमध्ये पुन्हा कोरोना बाधित रुग्ण सापडू लागले आहेत. 

दौंडच्या तालुका वैद्यकीय अधिकारी पोळ मॅडम यांच्याकडून मिळालेल्या माहितीनुसार केडगाव 3, पाटस 5, मळद 4 यांसह इतर ग्रामिण भागातून तब्बल 44 कोरोना बाधित रुग्ण आढळून आले आहेत. अनलॉकच्या दिशेने वाटचाल सुरू असताना पुन्हा एकदा कोरोनाने डोके वर काढल्याने नागरिकांनी खबरदारी घेण्याची गरज निर्माण झाली आहे.

दौंड तालुक्यात कोरोना आटोक्यात येत असताना पुन्हा त्याचा उद्रेक होत असल्याने नागरिकांमध्ये चिंतेचे वातावरण निर्माण झाले आहे. कोरोना विषाणूचा मुकाबला करण्यासाठी सध्या तालुक्यात कोविड योद्ध्यांना लसीकरण सुरू आहे. हि लस लवकरच सर्वसामान्यांना मिळेल अशी आशा व्यक्त केली जात आहे.

नागरिकांनी मास्क घालावे, हात साबणाने स्वच्छ धुवावेत, सॅनिटायजरचा वापर करावा, गर्दीत जाणे व गर्दी टाळावी असे आवाहन आरोग्य अधिकारी पोळ मॅडम यांनी केले आहे.