उरुळी कांचनमध्ये 34 वर्षीय तरुणाची आत्महत्या

लोणीकाळभोर : सहकारनामा : हनुमंत चिकणे

उरुळी कांचन (ता. हवेली ) येथे एका चौतीस वर्षीय तरुणाने गळफास घेतल्याची घटना शुक्रवारी (ता. ०८) संध्याकाळी सहा वाजण्याच्या सुमारास उघडकीस आली आहे. 

विशाल विठ्ठल मूल्या (वय- ३४ रा.उरुळी कांचन, ता. हवेली ) असे गळफास घेतलेल्या तरुणाचे नाव आहे. 

याप्रकरणी त्याचे नातेवाईक माधव वासू मूल्या (वय- ४०, रा. डाळिंब रोड, उरुळी कांचन, ता. हवेली) यांनी लोणी काळभोर पोलिसात तक्रार दिली आहे.

पोलिसांनी दिलेल्या माहितीनुसार, माधव मूल्या यांचा उरुळी कांचन येथील डाळिंब रोड येथे गॅरेजचा व्यवसाय आहे. शुक्रवारी (ता. ०८ ) ते गॅरेजवर काम करीत असताना अडीच वाजण्याच्या सुमारास त्यांच्या  पत्नीने त्यांना फोनकरून विशाल मूल्या हा हे दारू पिऊन घरी आले आहेत आणि घरामधील एका खोलीमध्ये जाऊन झोपले आहेत असे सांगितले.

दरम्यान संध्याकाळी पाच वाजण्याच्या सुमारास माधव यांची पत्नी लावंण्या हिने विशाल यास चहा करून दिला. चहा झाल्यानंतर पुन्हा विशाल खोलीमध्ये जाऊन झोपला. सहा वाजण्याच्या सुमारास लावंण्या ही विशाल यास उठवायला गेल्या असता दरवाजाला आतून कडी लावली होती. 

आवाज दिला परंतु आतून काहीच प्रतिसाद मिळाला नाही. त्यामुळे लावंण्याने पती माधव यांना गॅरेजवरून बोलावून घेतले. माधव यांनी घरी आल्यानंतर जोरात दरवाजा ढकलला असता विशाल याने दोन टॉवेलच्या साहाय्याने गळफास घेतल्याचे आढळून आले. पुढील तपास  पोलीस हवालदार सचिन पवार करीत आहेत.