केडगावमध्ये 3 मोर अचानक जमिनीवर कोसळले, वनविभागाने लक्ष देण्याची गरज

दौंड : सहकारनामा

दौंड तालुक्यातील केडगाव परिसरामध्ये असणाऱ्या धुमळीचा मळा येथे झाडावर बसलेले 3 मोर अचानक जमिनीवर कोसळून बेशुद्ध पडले आहेत.

हे मोर नेमके कोणत्या कारणामुळे जमिनीवर कोसळले हे समजू शकले नसून वन विभागाच्या कर्मचाऱ्यांनी तातडीने या ठिकाणी जाऊन माहिती घेण्याची गरज आहे.

याबाबत येथील शेतकरी वैजनाथ गायकवाड यांनी दिलेल्या माहितीनुसार धुमळीचा मळा या ठिकाणी अनेक मोरांचे वास्तव्य आहे. सकाळी आम्ही घराबाहेर थांबलो असताना अचानक दोन मोर नारळाच्या झाडावरून खाली कोसळून बेशुद्ध पडले तर एक मोर उडताना खाली कोसळून तोही बेशुद्ध पडला. मोर जमिनीवर कोसळल्यानंतर संबंधित शेतकऱ्यांनी त्यांना उचलून पाणी पाजण्याचा प्रयत्न केला आहे.

हे मोर नेमके कोणत्या कारणाने अचानक बेशुद्ध पडले आहेत हे अजून समजू शकले नसून वन विभागाच्या कर्मचाऱ्यांना गायकवाड यांनी याबाबत संपर्क साधून याबाबत माहिती दिली आहे.