लोणीकाळभोर : सहकारनामा ऑनलाइन (बापू धुमाळ)
लोणीकाळभोर पोलिस स्टेशन हद्दित येणाऱ्या थेऊर (ता.हवेली) येथे एका जुगार अड्ड्यावर छापा मारुन सहा जणांना ताब्यात घेण्यात आले आहे.
यात जुगाऱ्यांकडून 2200 रुपये रोख व जुगार साहित्य हस्तगत करण्यात आले आहे.
वरिष्ठ पोलिस निरिक्षक सूरज बंडगर यांनी दिलेल्या माहितीनुसार लोणी काळभोर पोलिस स्टेशन हद्दित येणाऱ्या थेऊर पोलिस मदत केंद्रातील थेऊरच्या पूर्वेकडे असणाऱ्या लोकवस्तीत काही जण तीन पत्ती जुगार (तिरट) खेळत असल्याची माहिती गस्तीवर असलेल्या सहाय्यक पोलिस निरीक्षक संदीप कांबळे पोलिस नाईक नितीन सुद्रीक, गायकवाड़ व इनामदार यांना मिळाली होती. याची माहिती पोलिस निरीक्षक सुरज बंडगर यांना देण्यात येऊन त्यांच्या सूचनेनुसार सहाय्यक पोलिस निरीक्षक संदीप कांबळे यांच्या नेतृत्वाखालील पथकाने एका पत्र्याच्या शेडमध्ये छापा टाकून पिनू मरिबा सोनवणे, दत्ता बाळू चव्हाण, शंकर बापू वायकर, किशोर महादेव सोनवणे, दिपक अभिमान गायकवाड, संतोष चौकमल यांना तीन पत्ते हातात घेऊन जुगार खेळत असताना मुद्देमालासह पकडले.
यातील सहा जणांना ताब्यात घेऊन त्यांच्याकडे खेळत असलेली रक्कम पोलिस स्टेशनमध्ये जमा करून त्यांच्या विरुद्ध लोणीकाळभोर पोलिस स्टेशन मध्ये गुन्हा दाखल करण्यात आला आहे. पुढील तपास पोलिस नाईक गणेश कर्चे करीत आहेत
