– सहकारनामा
दौंड : दौंड तालुक्यातील केडगाव येथे असणाऱ्या शेलार वस्तीवर आज मध्यरात्रीच्या सुमारास अज्ञात चोरट्यांनी घरफोडीकरून त्या घरात ठेवण्यात आलेले सोन्याचे दागिने आणि रोख रक्कम चोरून नेल्याची घटना घडली आहे.
हि घटना दिनांक 9/ 4/ 2021 रोजी रात्री 10:00 ते दिनांक 10/4/2021 रोजी सकाळी 6:00 वा दरम्यान घडली आहे.
याबाबत बाळासाहेब दत्तात्रय शेलार (वय 41, धंदा शेती राहणार केडगाव देशमुख मळा जवळ शेलार वस्ती तालुका दौंड जिल्हा पुणे) यांनी फिर्याद दिली असून यवत पोलिसांनी अज्ञात चोरट्यांविरोधात गुन्हा दाखल केला आहे.
या चोरीच्या घटनेत खालील प्रमाणे मुद्देमाल चोरीला गेला आहे.
1) 40000 /- एक दीड तोळा वजनाचा लक्ष्मी हार सोन्याचा
2) 97000/- एक सोन्याचा गंठण सव्वातीन तोळ्याचा
3)15000/- एक सोन्याचा गंठण अर्धा तोळे वजनाचा
4) 45000/- सोन्याची बोरमाल दीड तोळे वजनाचा
5) 33000/- दोन सोन्याची अंगठी एक तोळा वजनाची
6) 2000/- चांदीच्या पट्ट्या
7) 95000/- रोख रक्कम
असा एकूण 3,22,500/- एकूण रुपये 3 लाख 22 हजार 500 रुपयांचा मुद्देमाल चोरीला गेला आहे.
या घटनेचा पुढील तपास पोसई गंपले करत आहेत.
