दौंड : सहकारनामा
दौंड तालुक्यातील वाखारी गांवच्या हद्दीमध्ये एका कुरुअर सर्व्हिसमध्ये कामास असणाऱ्या व्यक्तीला लुटल्याची घटना घडली आहे, याबाबत दोघांवर गुन्हा दाखल करण्यात आला आहे.
यवत पोलिसांनी दिलेल्या माहितीनुसार वाखारी गावच्या हद्दीमध्ये मुठा कॅनॉलच्या कडेला असलेल्या माळरानामध्ये आरोपी सागर उर्फ सोन्या सूर्यवंशी व एका अनोळखी इसमाने फिर्यादी रमेश शामजी कुछडीया (रा. कोपर खैरने, नवी मुंबई ठाणे) यांना वाखारी येथील माळरानावर त्यांच्या जवळील एक मोबाईल, एक तोळा सोन्याची चैन, सोन्याचे दोन तोळ्याचे हातातील ब्रेसलेट, दोन सोन्याच्या अंगठ्या व रोख 15 हजार रक्कम असा 1 लाख 45 हजारांचा मुद्देमाल जबरदस्तीने काढून चोरून नेला आहे.
याबाबत फिर्यादीने फिर्याद दिल्यानंतर यवत पोलीस ठाण्यात गुन्हा दाखल करण्यात आला असून यवत पोलीस ठाण्याचे पोलीस निरीक्षक भाऊसाहेब पाटील यांच्या मार्गदर्शनाखाली यवत पोलीस पुढील तपास करत आहेत.
