‛सुने’चा सासऱ्यावर चाकू ने हल्ला, यवत पोलीस ठाण्यात गुन्हा दाखल

दौंड :
फोनवर हळू आवाजात कुणासोबत बोलतेय असे सासऱ्याने विचारल्याने सुनेने सासऱ्यावर थेट चाकूनेच हल्ला केल्याची घटना दौंड तालुक्यातील बोरीऐंदी येथे घडली आहे.
याबाबत सखाराम हिरामण साबळे (वय 74, रा.बोरीऐंदी ता.दौंड, पुणे) यांनी फिर्याद दिली असून त्यांनी दिलेल्या फिर्यादीनुसार त्यांची सून सारिका अश्विन साबळे (रा.बोरीऐंदी ता.दौंड जि.पुणे) ही फोनवर कोणासोबत तरी हळू आवाजात बोलत असताना त्यांनी सुनेला तू कोणाशी बारीक आवाजात बोलते असे म्हणालेच्या कारणावरून त्यांची सून सौ.सारिका साबळे हिने फिर्यादी यांना दमदाटी करून चाकूने त्यांच्या हाताच्या पंजावर आणि कपाळावर वार करत दुखापत केली आणि लाथा बुक्क्यांनी मारहाण केली असे फिर्यादीत म्हटले आहे.
याबाबत यवत पोलिसांनी सौ.सारिका साबळे हिच्यावर गुन्हा दाखल केला असून अधिक तपास पोना गोसावी करत आहेत.