दौंड शहरात कोरोना जोरात, 181 पैकी तब्बल 20 जणांचा अहवाल पॉझिटिव्ह

दौंड : सहकारनामा ऑनलाईन (अख्तर काझी)

दौंड शहरात कोरोना चा मोठा प्रसार होत असल्याचे दिसत आहे. मागील दोन दिवस दिलासा दिल्या नंतर आज आज मात्र कोरोना ने शहराला दणका दिला आहे. शहरातील तब्बल 13 जणांना संसर्गाची लागण झाली असल्याचे समोर आले आहे.

येथील उपजिल्हा रुग्णालयाच्या वतीने दिनांक 21 रोजी शहर व परिसरातील 181 संशयितांची रॅपिड अँटिजेंन तपासणी करण्यात आली त्यापैकी 20 जणांचा अहवाल पॉझिटिव्ह आला आहे.9 -65 वर्ष वयोगटातील 6 महिला व  14 पुरुष रुग्णांचा यामध्ये समावेश असून, शहरातील 13, ग्रामीण भागातील 2, गोपाळवाडी 3, तसेच राज्य राखीव पोलीस दलातील  दोन  जवानांना  संसर्गाची लागण झाली असल्याची माहिती उपजिल्हा रुग्णालया चे अधीक्षक डॉ.संग्राम डांगे यांनी दिली आहे.