दौंड : सहकारनामा
दौंड तालुक्यातील वरवंड येथे अवैध पद्धतीने वाळूउपसा करणाऱ्या दोघांवर यवत पोलिसांनी गुन्हा दाखल केला असून या कारवाईत सुमारे 18 लाख 15 हजारांचा मुद्देमाल जप्त केला आहे.
यवत पोलिसांनी दिलेल्या माहितीनुसार घनश्याम आबासाहेब चव्हाण (वय 53 वर्षे पोलीस नाईक, यवत पोलीस स्टेशन) यांनी याबाबत फिर्याद दिली असून त्यांच्या फिर्यादीवरून वरवंड येथील मिनीनाथ ज्ञानदेव खोमणे (वय 39 वर्षे रा. वरवंड ता.दौंड जि.पुणे) आणि सुनिल भिमराव शेळके (वय 48 वर्षे रा. वरवंड ता.दौंड जि.पुणे) यांच्यावर गुन्हा दाखल करण्यात आला आहे.
यवत पोलिसांच्या कारवाईमध्ये वरवंड गावच्या हददीत असणाऱ्या तळयाचे कडेला फरगडेमळयाचे जवळ एक 14 लाख रुपये किमतीचा पिवळे रंगाचा त्रीडी एक्स कंपनीचा जे.सी.बी चोरीची वाळू उत्खनन करून तो 4 लाख 15 हजार रू किमतीच्या टाटा कंपनीचा ट्रक मध्ये वाहतूक करताना मिळून आला.
अधिक तपास यवतचे पोलीस निरीक्षक भाउसाहेब पाटील यांच्या मार्गदर्शनाखाली यवत पोलीस करत आहेत.
